Accessibility links

шимбә, 10 декабрь 2016, Казан вакыты 14:00

Beslan dramasına Dönyanıñ reaksiäse


Beslandağı totıq alu tragediäse säbäple Kreml böten Rusiädä 2könlek matäm iğlan itte.Tönyaq Osetiäneñ bu şährendä xalıq qorbannarnı kümergä däwam itä.Rusiädä älegä xätle bulğan in yaman totıq alu waqıygäsenä qarata bik küp illär citäkçeläre şulayuq xalıq terrornı xökem itep, Beslan xalqına teläktäşlek belderä.

Rusiädä düşämbedän başlap 2könlek matäm iğlan itelde .Bayraqlar yartığa töşerelgän, televidiniädä küñel açu programmaları kürsätelmi. Rusiäneñ qayğısı turında S.Peterburdağı xabärçebez Gölzadä Qamalova (audio) Rusiäneñ qayğı xäsräten dönyanıñ bik küp illäre urtaqlaştı .Kürşe Belarus Rusiä xalqına solidarlıq kürsätep 2 kön buyına cıyınnnar ütkärä.Prezident A.Lukaşenko bez tuğannarıbız ruslarnı yaqlarğa telibez dip äytep Belarusnıñ qorbannarğa meditsina häm rehabilitatsiä yardäme kürsätergä äzer buluın belderde. Qazaxstanda xalıq Astanada Rusiä ilçelege aldında cıyıldı. Britaniä tışqı eşlär ministırı J.Straw Yevropa Berlege tışqı eşlär ministırları comğa könne Nederlandta Rusiägä solidarlıq belderde dide (audio) Bez Rusiä prezidentı V.Putin häm Rusiä xökümätenä solidarlığıbıznı belderdek.Şulayuq biçara balalar, uqıtuçılar häm alarnıñ ğailälärenä , duslarına simpatiä häm borçıluıbıznı äyttek Şulay da Yevropa Komissiäse citäkçese Romano Prodi küpläp üterüdä Rusiä köçläreneñ cawaplılığı turında da sorau quydı. Prodi komentarlarınnan soñ Berlekneñ älege prezidnetı Gollandiä tışqı eşlär ministırı Bernard Bot Dönya illäre bu tragediäneñ niçek bula alğanıñ Rusiä xakimiätlärennän belergä telär ide digän belderü yasadı. Mäskäwneñ kisken reaksiäsennän soñ Bot üz süzläreneñ yalğış añlaşılğanın däğwä itte.BMO general sekreatrı K.Annan belän bergä bik küp il citäkçeläre terrornı xökem itte.Germaniä kanslerı G.Schroeder xalıqara terrorğa qarşı bergäläp köräşergä çaqırıp(audio) Germaniädä minem kebek här kem qorbannarnıñ ğailäläreneñ qayğısın urtaqlaşa .Min waqıyğä turında kübräk mäğlümätkä iä bulğaç qına komentar birä alırmım.Ber närsä açıq:terroristlar keşelärne üterep säyäsi mäqsatlarına ireşergä mataştı.Min terrorğa qarşı köräşergä tieşbez digän fiker belän her kem kileşä dip ışanam. Qazxstan prezidentı N.Nazarbayev häm Yaponiä tışqı eşlär ministırı Yoriko Kawaguçı terrorğa qarşı köräştä Rusiä belän xezmätäşlek itergä äzer buluların belderde.Comğa könne Wisconsindä saylaualdı kampaniäsendä çığış yasağan AQŞ prezidentı G.Bush(audio) Bez gönaxsız qorbannar öçen matäm totabız. bez Rusiä xalqı yanında torabız. Bez alar öçen doğa qılabız Möselman dönyasında qayber säyäsmenner şulsanda Suğut şäxzadäse Abdulla İslamnıñ terror belän urtaq ber yağı da yuq dip äytte. Livan premyere Hariri terror höcüme barlıq keşeçelek häm dini qimmätlärgä qarşı dip belderde . Qayğı urtaqlaşu belderüläre belän berrättän qayber illär qorbannarğa humanitar yardäm dä wäğdä itte. Germaniä 100meñ yevro AQŞ isä 50meñ dollar birälär.Ukraina prezidentınıñ mätbuğat xezmätläre ,Leonid Kuçma xökümätkä ber atna eçendä Rusiägä humanitar yardäm cibärergä digän kürsätmä birde dip xabär itte. färidä xämit
XS
SM
MD
LG