Accessibility links

Кайнар хәбәр

Ğiraqta qulğa alınğannar arasında İbrahim al-Douri yuq


Ğiraq xärbi köçläre häm Amerikan ğaskärläre berlektä ütkärgän çaralar näticäsendä Kirkukta häm Bağdadtan könyaqqa taba urnaşqan Latifiya şähärendä qulğa alınuçılar arasında – Saddam Hösäin rejimınıñ yuğarı ber räsmi wäkile dä bar, dip xäbär itelä. Başta Saddam Hösäinneñ töp kiñäşçese İzzat İbrahim al-Douri qulğa alınğan digän xäbärlär bar ide. Ämma soñıraq qabul itelgän Ğiraq eçke eşlär ministrlığı belderüendä – "medetsina tikşerüläre" qulğa alınğan bu keşeneñ al-Douri tügel ikänen kürsätte, dielä. Ğiraqta totıq itep alınğan 3 Yordan keşese azat itelde. Bügen bu xaqta Frans Press mäğlümat agentlığı xäbär itte. Şulay uq ber Sudan watandaşı häm totıq itep alınğan ber törek azat itelgän. Ämma avgust ayında uq urlanğan ike fransuz jurnalistınıñ yazmışı bilgesez qala. Fransiä räsmiläre, alarnıñ yaqın kiläçäktä azat itelüenä ömet bar, dip belderä. Ärmänstan Ğiraqqa üzeneñ 50 xärbien cibärä. Bügen bu xaqta Ärmänstan häm Polşa prezidentları Robert Kaçarian belän Aleksandr Kwasnievski Warşawda kileşte. Ärmän xärbiläre Polşa ğaskärläre citäkçelegendä Ğiraqnıñ üzäk töbäklärendä iminlek saqlayaçaq.
XS
SM
MD
LG