Bügen Hindstan başqalasında Paqstan häm Hindstannıñ tışqı eşlär ministrları ike könlek söyläşülären tämamladı. Oçraşu – nizaqlı Kaşmir töbägendä kierenkelekne yomşartuğa bağışlanğan ide. Söyläşülärdän soñ Hindstan tışqı eşlär ministrı Natwar Singh, mäs'älädä "äz genä alğa kiteş" bar, dide, ämma Hindstannı – Kaşmirğa Paqstan suğışçılarınıñ ütep kerüe borçıy, dip belderde. Kiçä İslamabad Kaşmir töbägendä islam suğışçılarına qoral belän yardäm itep toruın kire qaqtı, Dähline provinsiädä keşe xoquqları bozuda ğayepläde. Taraflar – Kaşmirda atışlarnı tuqtatu turındağı kileşüneñ möddäten ozaytırğa kileşte. Başqa xäbärlärgä kilgändä – Himalay tawlarında 1981nçe yılda yuğalğan 4 turistnıñ mäyetläre tabılğan. Hindstan räsmiläre, alarnıñ kem bulğannarı açıqlanaçaq, dip belderä. Ämma berse inde Şvetsiä watandaşı bulğan mäğlüm.
