Serbiä premyer-ministrı Zoran Djindjiçnı üterüdä şiklänelgän Milorad Lukoviç bügen Belgrad mäxkämäse aldına bastı. Tıñlawlar 2 ayğa yaqın waqıt kiçekterelep kilde. "Legija" iseme belän tanılğan Lukoviç'tan advokatlar soraw aldı. "Legiya" – 2003nçe yılnıñ mart ayında Djindjiçnı üterüdä ğayeplängän 13 keşeneñ berse. Qorallı törkemnärneñ elekke başlığı Lukoviç – ğayepläwne kire qaqtı. Gresiädän tapşırılaçaq tağın ber ğayeplänüçene kötü öçen mäxkämä utırışın tağın da kiçekterü täqdimen xäkimnär bügen kire qaqtı.
