Qırğızstan parlamentı utırışında, premyer-ministr Nikolay Tanayev, Qırğızstandağı üzbäk anklavı bulğan – Şaximardan töbägen – Qırğızstan cire, dip iğlan itte. Qırğızstan, Üzbäkstan häm Taciqstan ber bersenä terälep torğan Färğana Üzänendä berniçä şundıy anklav bar. 90nçı yıllar başında Üzäk Aziä däwlätläre bäysezlek iğlan itkännän birle – çiklär turında söyläşülär bara. Qırğızstan parlamentı deputatı İsmail İsakov ta , Üzbäkstannıñ Şaximardanğa ber xoquqı da yuq, häm bu cir Qırğızstanğa qaytarılırğa tieş dip sanıy. Üzbäkstan tışqı eşlär ministrlığınıñ matbuğat wäkile İlxom Zakirov, Tanayev belderüen – ädäpsez, dip bäyläde, häm bu tör qararlar barı dip ike yaqlı söyläşülärdä qabul itelergä mömkin, dide.
