Accessibility links

җомга, 9 декабрь 2016, Казан вакыты 06:53

Qazanda Beslan faciğäse qorbannarın iskä aldılar


Miting tınlıq minutınnan başlanıp kitte. Annan soñ süzne Profsoyuzlar, Berdäm Rusiä firkäse wäkilläre, zıyalılar aldı. Yäşlär oyışmalarınnan çığış yasawçılar da küp buldı. Alar barısı da Beslan faciğäse qorbannarı belän teläktäşlek xaqında äytte, älege awır könnärdä bergä bulırğa kiräklegen assızıqladı.

Terrorğa qarşı mitingqa bu könne kübräk yäşlär cıyılğan ide. Alarnıñ kübese – Qazan yuğarı uqu yortlarında uquçı studentlar bulıp çıqtı. Mäsälän, Qazan däwlät texnologiä universitetınıñ studentı Damir, bezgä monda kilüeneñ säbäpläre turında menä närsälär äytte.

Bezne monda berkem dä alıp kilmäde. Bez üz telägebez belän Beslan qorbannarına teläktäşlek yözennän kildek. Bügen monda kilüçelär küp bulaçaq

Mitingta şulay uq tatar zıyalıları da qatnaştı. Çığış yasawçılar arasında Tatarstan Yazuçılar berlege räise Foat Ğalimullin buldı. Yañğır astında terrorğa qarşılıq yözennän şuşı cıyınğa kilgän İslamiä Mäxmütova belän tağın berniçä Tinçurin teatrı artistları da kürende.

Gölnaz İlgizär

XS
SM
MD
LG