Accessibility links

чәршәмбе, 7 декабрь 2016, Казан вакыты 11:53

Mäskäwdä meñnärçä keşe qatnaşında terrorğa qarşı uram cıyını oyıştırıldı


Cıyılğan xalıq uzğan comğa könne Tönyaq Osetiäneñ Beslan şähärendä totıq alu faciğasendä hälak bulğan 330dan artıq keşene ber minut tınlıq belän iskä aldı. Mätäm çarasın Mäskäw hönär berlekläre citäkçese Mixail Nagaitsev başlap cibärde. Rusiä prezidentı Vladimir Putin, Beslandağı terror ğamälenä açıq tikşerüne kire qaqtı, "eçke" tikşerü bulaçaq, dip belderde. Bügen Brüsseldä NATO häm Rusiä oçraşuı ütä. Utırışnıñ köntärtibendä Beslandağı totıq alu faciğase. Bügen dönya buylap cämäğätçelek Beslandağı qorbannarnı iskä aldı. Tönyaq Ossetiägä berençelärdän bulıp Amerika Quşma Ştatları, Fransiä häm Avstriädän yardäm kilde. Yardäm cibärülären başqa bik küp illär dä xäbär itte. Niderland premyer-ministrı Jan Peter Balkenende Hague'tağı konferensiädä çığış yasağanda, Beslan xalqına möräcäğät itep, "bez sezneñ turıda uylıybız häm doğa qılabız," dide. Britaniä premyer-ministrı Tony Blair, Beslan şähärendäge terror ğamälendä hälak bulğannarnıñ tuğannarınıñ qayğısın urtaqlaşıp, dönya terrorğa qarşı suğışta ciñäçäk, dide. Rusiä xalqına Blair teläktäşlek belderde.

XS
SM
MD
LG