Accessibility links

җомга, 2 декабрь 2016, Казан вакыты 23:01

Bağdadtağı bäreleşlärdä kimendä 15 keşe hälak buldı


Bağdadnıñ Sadr rayonında amerikan xärbi köçläre häm ğısyançılar arasında bulğan bäreleşlärdä soñğı 24 säğat eçendä kimendä 15 keşe hälak bulğan. Amerikan ğaskärläreneñ matbuğat wäkile kapitan Brian O'Malley, atışlar – amerikan patrulenä höcüm itelgäç başlandı, dip xäbär itte. Moqtada as-Sadr wäkile Şeix Raed al-Kadhimi isä – amerikan köçläre as-Sadrnı ezläp bärep kerde, dide. Düşämbe könne bombada şartlap Bağdad yanında 3 amerikan xärbie ülde, Falluca yanında şulay uq kiçä amerikan maxsus köçläreneñ 7 ğaskärie häm Ğiraq milli ğaskärläreneñ 3 wäkile hälak buldı. Bağdad gubernatorı konvoyına höcüm yasalğan, ike keşe hälak bulğan, gubernatorğa ziyan timägän. Ğiraqnıñ tönyağında Mosul şähäre gubernatorınıñ ulı üterelgän.

XS
SM
MD
LG