Accessibility links

шимбә, 10 декабрь 2016, Казан вакыты 21:30

Amerikan xärbi oqçıçları Ğiraqnıñ Falluca şähärendä höcüm itte


Amerikan xärbi oçqıçları bügen Falluca şähärendäge Ğiraq suğışçıların utqa tottı. Şaxitlär süzlärenä qarağanda hawa höcümnäre tañ atqançı häm köndez bulğan. Yuğaltular turında tögäl genä mäğlümat yuq, ämma cirle xalıq süzlärenä qarağanda kimendä 2 keşe hälak bulğan, yaralanuçılar bar. Sişämbe könne Fallucada barğan bäreleşlär turında söylägändä, amerikan saqlanu ministrı Donald Rumsfeld, Ğiraq premyer ministrı Ayad Allawi da, Ğiraq xakimiäte ğısyanıçlarğa ilne üz kontrolenä alarğa röxsät itä almağanın tanıy, dide: (audio) "Premyer-ministr häm anıñ tiräsendäge keşelär, ilneñ ber genä öleşe dä terrorçılar qulında bula almağanın añlıy", dide Rumsfeld. Kiçä Bağdadta humanitar oyışması öçen eşlägän ike italyan xatın-qızı totıq itep alındı, dip xäbär itkän idek. Bügen İtaliä premyer-ministrı Silvio Berlusconi bu xaqta söyläşü häm çaralar kürü öçen İtaliä räsmilären cıydı. Ğiraqtağı xalıqara yardäm agentlıqlarınıñ eşen idarä itüçe Jean-Dominique Bunel, xökümättän bäysez oyışmalarnıñ kübese ildän kitergä qarar itte, dip belderde. Yevropa Komissiäse Ğiraqta üz eşen däwam itäk.

XS
SM
MD
LG