Taciqstannıñ bäysezlek köne uñayınnan prezident İmomali Raxmonov däwlät televideniäsendä yasağan çığışında, respublikanıñ iñ zur problemaları turında söyläde: (audio) "Global qurqınıçlarğa qarşı – terror, extremism, narkotik taratu, qoral satu häm oyışqan cinäyätçelekkä qarşı köräşkä bez quşılabız – bolar bezneñ tışqı säyäsätneñ töp maddäläre", dide Raxmonov. 1991nçe yılda bäysezlek iğlan itkäç tä başlanğan watandaşlar suğışı Taciqstanda 97nçe yılğa qadär bardı. Suğış 97nçe yılnıñ yün ayında Mäskäwdä tınıçlıq kileşüe qabul itü belän tämamlandı. Äfğanstanda terrorğa qarşı suğışta Taciqstan Amerika Quşma Ştatlarına üz xärbi bazaların qullanışqa birep tordı. Respublikada Rusiä xärbi bazaları da bar. Bu ayda Taciqstanğa Rusiä prezidentı Vladimir Putin barırğa tieş.
Taciqstannıñ bäysezlek köne – 9 sintäbr.
