Accessibility links

җомга, 9 декабрь 2016, Казан вакыты 07:00

İran atom programması turında Yevropa räsmiläre belän söyläşülär uzdıra


İrannıñ Yuğarı Milli İminlek Şurası başlığı Hassan Rohani, Yevropa räsmiläre belän İrannıñ qayber atom eşçänleklären tuñdırıp toru ixtimalı turında söyläşülär bara, dip xäbär itte. Ämma sişämbe könne Amerika Quşma Ştatları Däwlät Departamentı wäkile Richard Boucher, Waşington İrannıñ wağdälärenä ışanıp betmi, dip belderde: (audio) "İran räsmilärennän – sentrifugalarnı citeşterüne häm qullanunı tuqtatırğa cıyınabız digän süzlär işetsägez dä – soñıraq alar – yuq dip äytäçäk" dide Boucher. Şulay uq kiçä Däwlät sekretare Colin Powell Tährannıñ atom programmasın Berläşkän Millätlär Oyışmasınıñ İminlek Şurası tikşerergä häm kiräk bulsa cäza bilgelärgä tieş, dip belderde. Germaniädä kansler Gerhard Şröder parlament aldında, İrannıñ atom programmasına borçıluın citkerde. Waşington Tährannı atom qoralı citeşterüdä ğayepli, Tähran monı kire qağa.

XS
SM
MD
LG