Accessibility links

дүшәмбе, 5 декабрь 2016, Казан вакыты 03:38

Russiä general ştab başlığınıñ belderüenä reaksiä.


Russiä general ştab başlığı Yuri Baluyevskiy , Mäskäv dönyanıñ nindi genä töbägendä bulmasın terror bazalarına höcüm itäçäk dip belderde. Beslan faciğäsennän soñ yasalğan bu belderü yañalıq tügel. Russiä elegeräk tä aldan saqlıq çarası küräçäge xaqında belderülär yasağan ide. Läkin, küzätüçelär Russiä xärbiläreneñ moña sälätle buluına bik ük ışanmıylar.

Russiä general ştabı başlığı Yuri Baluyevskiy terrorğa qarşı köräştä aldan orın yasau ğädättäntış çara bulıp tora digän fiker belderde häm Mäskäv kiräk bula ul çaranı qullanaçaq dip äytte.

Audio

"Terror bazasın yuq itü öçen här törle çara qullanılaçaq, Bu atom höcümen añlatmıy. Bez vazğiätkä kürä xäräkät itäçäkbez."

Generalnıñ bu süzläre Russiäneñ xärbi doktrinasına turı kilä. Doktrna ilneñ iminlegenä qurqınıç tuğanda aldan höcüm itärgä yul quya. Ä inde ilneñ yäşäp qaluına qurqınıç tuğanda atom qoralları da qullanıla ala. Läkin, belgeçlär Russiäneñ xärbi taktikasında çınnan da üzgäreş bulır dip kötmilär. Russiäneñ xärbi belgeçe Aleksander Goltz radiobız xäbärçesenä birgän ängämäsendä , prezident Putinneñ 2002-nçe yılda uq xärbilärgä aldan höcüm itügä äzerlänsennär digän kürstämä birgänen iskä töşerde häm bu mäsälä berniçä märtäbä köntärtibenä mende dip belderde.

Audio

"Höcüm mäsäläse vaqıtı vaqıtı belän köntärtibenä menä. Kreml Görcstanda Pankisidä urnaşqan dip belderelgän terrorçlarnı köç qullanu belän kisätkän ide. Läkin, här märtäbäsendä Putingä närsäder totqarladı. Bu kirtä bilgele. Atom qoralların iskä almağanda Russiä qorallı köçläre, bigeräk tä tınıç xalıq araasında xäräkät itkän terrorçılarğa qarşı höcümnärgä sälätle tügel."

Goltznıñ süzlärençä, Çeçnädä dävam itkän suğış SSSR cimerelgännän soñğı Russiä köçläreneñ qodrätsezlegen kürsätä.

Audio

"Yıraqtağı illärdäge terror bazalarınıñ qayda buluı bilgesez. Läkin, här kem Çeçnädä terrorist bazalarınıñ buluın belä. Läkin, Russiä köçläre tieşle urınğa, tieşle vaqıtta orım yasıy almadı. Bu ğına da Russiä köçläreneñ anti-teror aktivlıqqa äzer bulmauın kürsätä."

Britaniä belän Fransiä Russiä generalınıñ belderüenä uñay reaksiä kürsättelär. AQŞ älegä räsmi reaksiä kürsätmäde. Prezident Buş ta terrorğa qarşı suğış iğlan itkännän soñ, Russiänekenä oxşaş aldan orım yasau säyäsäten qabul itkän ide. İzrael dä bu säyäsätne yaqlıy häm ğämäldä qullana. Bu säyäsät qayber illärdä borçılu tudıra. Törkiä premiere Erdoğan, ber ilgä, ul nindi genä däräcädä köçle bulmasın, terrorğa qarşı köräşkä beryaqlı ğına mönäsäbät kürsätüenä yul quyılmasqa tieş dip belderde. Londondağı Xalıqara mäsälälär buyınça Patşa institutınıñ Russiä häm Euraziä programması başlığı Roy Allison da aldan orım yasau turındağı deklaratsiälärneñ artuı borçılırlıq küreneş dip belderde.

Audio

"Andıy belderülär borıçlırlıq. Dävlätlär xärbi obyektlarnı bilgeläp, aña orım yasıyaçaqlar häm xalıqara cämağätçelek monı qanuni dip tanır dip kötü şom tudıra."

BMonıñ geneal sekretarı Kofi Annan da, Russiägä töböp Terrorğa qarşı köräştä xoquqi prinsiplarnı bozmasqa çaqırdı. Ul Terrorğa qarşı köräşneñ uñışlı buluı öçen yullar häm çaralar tabarğa tieşbez. Läkin, ber ük vaqıtta keşe xoquqları häm qanunçılıq bozılmasqa tieş dip belderde.

Färit İdelle, Praga.
XS
SM
MD
LG