Bügen İndoneziä başqalasında, Avstraliä ilçelege binası qarşında bomba şartlaw näticäsendä kimendä 8 keşe hälaq bulğan, 160qa yaqını yaralanağan. Ülüçelär arasında 3 politsiä xezmätkäre. Çit il keşeläre häm ilçelek xezmätkärläre qorbannar arasında yuq, dielä. Avstraliä Tışqı eşlär ministrı Alexander Downer bu şartlaw Avstraliägä qarşı terror xöcüme, anı İndoneziädä inde berniçä xöcüm oyıştırğan törkemnär başqarğan bulırğa tieş, dide. Jakarta politsiäse belderüençä, maşinağa quıylğan bomba şartlağan. Älegä cawaplılıqnı üz östenä aluçı yuq. Soñğı atnalarda Avstraliä häm Quşma Ştatlar ilçelekläre İndonezidä islamçılarnıñ ixtimal xöcümnäre turında kisätkän ide.
