Accessibility links

пәнҗешәмбе, 8 декабрь 2016, Казан вакыты 08:57

Beslan faciğäsennän soñ Mäskäw Tönyaq Kavkazda terrorğa qarşı yaña çaralar iğlan itte


Rusiä citäkçeläre Beslan faciğäsennän soñ Tönyaq Kavkazda terrorğa qarşı köräşü tärtiben üzgärtergä cıyına. Bu turıda Eçke eşlär ministrı Räşid Nurgaliev bügen prezident Vladimir Putin belän oçraşuında äytte:

Audio (Räşid Nurgaliev)

"Tönyaq Kavkaznıñ här 12 töbägendä, şul isäptän Çeçnyada, operativ idarä üzäkläre tözelä. Terror ğämällären häm xöcümnärne kisätü maqatı belän, alar andağı qüät buınnarı eşçänlegen üzara köylärgä tieş bulaçaq."

Nurgaliev süzlärençä, här şundıy üzäk qaramağında 70 keşedän torğan maxsus törkem bulaçaq. Ul arada Tönyaq Kavkaz xärbi okruğı 13-18 Sintäberdä töbäktä xärbi künegülär ütäçägen xäbär itte.

Uzğan atna Beslanda bulğan totıq faciğäse näticäsendä 350gä yaqın keşe hälaq buldı, kübese mäktäp yäşendäge balalar. Rusiä xökümäte här qorban ğailäsenä 100 meñ rubl, häm cenaza çığımnarına 18 meñ rubl birergä wäğdä itte.

XS
SM
MD
LG