Könyaq Korea 1980-nçe yıllarda plutoniy belän sınawlar ütkärgänen tanıdı. Könyaq Korea räsmie süzlärençä, xäzer bu mäsäläne Xalıqara Atom Energiä İdaräse tikşerä. Uzğan atnada räsmi Seul 4 yıl elek keçkenä külämdä bayıtılğan uran belän sınawlar ütkärgänen tanığan ide. Bu matdälärneñ ikese dä atom qoralında qullınıla. Könyaq Koreanıñ Atom iminlege idaräse başlığı Kim Yong-Shik, bu fäqät tınıç maqsatta sınawlar, bez Xalıqara Atom Energiä İdaräse qağidälären ütäwne kiläçäktä dä däwam itäçäkbez, dide. Seulnıñ şuşı belderüe Tönyaq Koreanıñ atom programması turında barğan 6-yaqlı söyläşülär waqıtına turı kilde. Räsmi Pxenyan, Seulnıñ bu eşçänlege töbäktä qoral yarışına kiterergö mömkin digän kisätü yasadı.
