Accessibility links

шимбә, 10 декабрь 2016, Казан вакыты 19:31

Beslandağı xällärgä Başqortstan tatarları da bitaraf tügel


Başqortstanda Tönyäk Osetiädäge terror ğämälen xökem itü, hälaq buluçılar ğäilälärenä häm qaza kürüçelärneñ qayğıların urtaqlaşu, Beslanğa cibärü öçen aqça cıyu eşläre däwam itä. Başqortstan Tatar milli oyışmaları berlege wäkilläre dä üzläreneñ atnaqiç bulğan çirattağı utırışında Beslandağı qanlı waqıyğalarğa üz mönäsäbäten belderde. Hälaq buluçılarnıñ tuğannarınıñ qaynısın urtaqlaşu belän bergä, tatar milli xäräkäte wäkilläre Rusiäneñ qayber kiñ mäğlümat çaralarınıñ äxlaqsızlığına rizasızlıq belderde. Mäğlüm ki, berniçek tä isbat itelmästän ük, üzäk matbuğat jurnalistları Beslan mäktäbendä totıqlar aluçılar arasında ğäräplär, çäçännär, inğuşlar, şulay uq qazax häm tatar milläte wäkilläre dä bar dip belderergä aşıqtı. Läkin ni öçender tatar millätennän bulğan keşeneñ isemen haman da äytmilär. Şuña kürä bu xäbärne Başqortstan tatar milli xäräkäte wäkilläre uydırma, yalğan dip bäyäli. Utırışta Başqortstannıñ 18 tatar ictimağıy oyışması kergän Tatar milli oyışmaları berlege prezidiumı Beslandağı xäsrätle waqıyğalarğa qağılışlı maxsus Möräcägät qabul itte. Anda qayğı urtaqlaşular belän bergä, Rusiädä millätlär arasında kiläçäktä tatulıq bulsın öçen qayber täqdimnär bar. Tatar milli xäräkäte wäkilläre şuşı uñaydan Başqortstanda yäşäwçe tatarlarnıñ milli – mädäni mänfägätlärenä iğtibarnı arttıru kiräklegen assızıqlıy. Respublikta tatar xalqı xoquqlarınıñ qısıluı millätara tatulıqqa zur zıyan kiterergä mömkin dip äytelä bu möräcägättä. Keşene millätenä qarap ayıru, kemgäder östenleklär birü, ä kemneder kimsetü millätara ğawğalarğa kiterä ala. Andıy şartlarda quät oyışmaların köçäytep kenä xälne tözätep bulır mikän.

Fänis Fätxi, Ufa

XS
SM
MD
LG