Accessibility links

шимбә, 10 декабрь 2016, Казан вакыты 09:54

Respublikanıñ İminlek Şurası utırışında qurqınıçsızlıq çaraları qaraldı


Comğa könne Tatarstan İminlek Şurasınıñ çirattağı utırışı uzdı. Soñğı aralardağı Rusiädäge terror aktlarınnan soñ älege cıyılış ayıruça aktual’ bulıp tora. Şuña da, utırışnıñ kön tärtibeneñ iñ möhim sorawı bulıp Beslan waqiğaları häm alar nisbätennän respublikada küreläçäk östämä qurqınıçsızlıq çaraları tordı. Respublikanıñ İminlek Şurası särkätibe Vener Sälimov fikerençä, Qazan terror aktları mömkin şähärlärneñ isemlegenä kertelgän dip äytergä älege nigezlär yuq. Läkin iqtisadi häm sänäğät yağınnan alğa kitkän zur şähär bularaq anıñ iminlege xoquq saqlaw organnarınıñ köndälek eşendä çağılırğa tieş.

Ul arada respublikanıñ Tübän Kama şähärendä ike tatarstanlı utırğan VAZ maşinasında qoral – Kalaşnikov avtomatları häm alarğa patronnar tabıla. Älege qoral Tatarstanda eşläwçe cinäyätçel törkemneke bulıp çığa. Xäzerge waqıtta bu törkemneñ başqa äğzälären ezläw buyınça eş alıp barıla, dip xäbär itä Federal iminlek xezmäteneñ xezmätkäre Eduard İsmäğilev. Comğa könne respublikanıñ Ğädättäntış xällär ministrlığı xezmätkärläre dä üzläreneñ törle xällärgä äzerleklären tikşerep, bäygelär ütkärde.

Gölnaz İlgizär

XS
SM
MD
LG