Accessibility links

сишәмбе, 6 декабрь 2016, Казан вакыты 11:20

İndoneziä politsiäse Avstraliä ilçelege qarşında şartlawnı intiharçılar başqarğan dip sanıy


İndoneziä politsiäse äytüençä, kiçä Avstraliä ilçelege qarşındağı şartlawnı intihar xöcümçelär başqarğanğa oşağan. Şartlaw näticäsendä 9 İndeneziä keşese hälaq buldı. Politsiä başlığı Suyinto Landung süzlärençä, mäyetneñ öçese şul intihar bulırğa tieş. Binağa quyılğan yäşeren kamera şartlawğa berniçä sekund qala ilçelek qarşına ber miniñ-avtobus kilgänen töşerep alğan. Avstraliä premier-ministrı John Howard süzlärençä, xöcümne Äl-Qaidä belän bäyle Cemaa İslamiä törkeme başqarğanğa oşağan. 2002nçe yılda Bali utrawında häm Jakartanıñ Mariott qunaqxanäsendä näq şundıy şartlatqıçlar qullanılğan bulğan. Avstraliä räsmiläreneñ, şartlawğa 45 minut qala kisätü bulğan digän xäbären, İndoneziä politsiäse kire qaqtı.

XS
SM
MD
LG