Accessibility links

шимбә, 29 апрель 2017, Казан вакыты 12:23

Ğiraq törmälärennän xatın-qızlarnı çığaru xaqına Äl-Qaidä belän bäyle törkem 2 italian xatın-qız totığı turında mäglümät täqdim itä


Äl-Qaidä belän bäyle törkem, Ğiraq törmälärendä utırğan xatın-qızların çığaru xaqına, sişämbedä Ğiraqta totıq itep alınğan 2 italian xatın-qızı turında mäglümät täqdim itä, häm İtaliägä monıñ öçen 24 säğät waqıt birä. Älege belderü bügen Ansar Äl-Zäwähiri tarafınnan İnternet säxifäsendä urnaştırıldı.

Ğiraqnıñ waqıtlı prezidentı Ğazi Äl-Yawar bügen Rimda İtaliä premier-ministrı Silvio Berlusconi belän oçraştı. Räsmi Rim Ğiraqta totıq itep alınğan ike italian xatın-qızın azat itü yulların ezli. Totıq aluçılar belän elemtägä kerü maqsatı belän töbäkkä maxsus wäkil cibärelde. İtaliäneñ Ğiraqta 3 meñläp xärbie bar.

Kiçä Äl-Cäzirä televideniese kürsätkän tasmada Osama ben Ladennıñ urınbasarı dip sanalğan Ayman Äl-Zäwähiri Quşma Ştatlarnıñ Äfğanstanda da, Ğiraqta da ciñeläçägen faraz itte. Küzätüçelär äytüençä, Äl-Qaidä menä inde 3 yıl rättän 11nçe sintäber aldınnan şundıy video-tasma çığara.

XS
SM
MD
LG