Accessibility links

шимбә, 10 декабрь 2016, Казан вакыты 00:31

Quşma Ştatlar Süriägä Livannan kitärgä waqıt çitte dip belderä


Damask. Amerika Quşma Ştatları däwlät sekretareneñ Yaqın Könçığış eşlärendäge yardämçese William Burns, Süriägä Livan häm Ğiraq eşlärenä tıqşınuın tuqtatırğa kiräk, şulay eşläsä ul tieşle däräcädä büläklänäçäk dip belderde. Şuşı süzlären ul bügen Süriä başqalasında prezident Bäşär äl-Asäd belän oçraşqannan soñ äytte. Burns, Süriä üzeneñ Livandağı 16 meñ keşelek ğäskären çığarırğa häm üz ciren Ğiraqtağı totrıqlılıqnı qaqşatu maqsatında qullanunı tuqtatırğa tieş dide. Ägär dä Damask xäzerge säyäsäten üzgärtsä, ul Quşma Ştatlar belän mönäsäbätlären yaxşırtuğa ireşäçäk dip ışandırdı Burns. Uzğan atnada Berläşkän Millätlärneñ İminlek Şurası Livannan bar çit il ğäskärlären çığaruğa öndägän qarar qabul itkän ide. Şuña da qaramastan Livan parlamentı ilneñ konstitutsiäsen üzgärtep, Süriä yaqlağan prezident Emil Lahudqa üz urınında qalu mömkinlegen birde.

XS
SM
MD
LG