Washington. Quşma Ştatlarnıñ däwlät sekretare Colin Powell fikerençä, Washington Tönyaq KOreä atom qoralı sınawın ütkärgän dip uylamıy. Powell, belgänebez häm inanuıbızğa qarağanda, Tönyaq Koreäneñ andıy sınaw ütkärgänen raslağan dälillär yuq dip belderde. Könyaq Koreäneñ Sonhap xäbärlär agentlığı bügen irtäräk, atnakiç Tönyaqnıñ Yañgañ wilayätendä zur şartlaw buldı häm şunnan soñ hawağa gömbä sıman bolıt kütärelde digän xäbär taratqan ide. Şul tirälärdä Tönyaq Koreäneñ raketa nığıtması urnaşqan. Sonhap xäbärendä, şartlawdan qalğan çoqır şil qädär zur ki, anı iärçennän dä kürep bula dielä.
