Küpçelege sönnilär yäşägän Falluca qalası amerikannarğa iñ qatı qarşılıq kürsätkän urınnarnıñ berse bulıp qala. Düşämbedä amerikan xärbiläre bu şähärne hawa häm artilleriä utına tottı. Xärbilär äytüençä, bu xöcümnär, Ğiraqtqa küp sanlı terror ğämälläre başqarğan, çığışı belän İordannan bulğan Äbü Musab Äl-Zarqawi üz yärdämçeläre belän oçraşü ütkärep yatqan ber urınğa yasalğan. Amerikannar, xöcümnär maqsatına ireşte dip belderä, ämmä kemne yuq itä alğanın älegä äytmi. Ä menä şaxitlär äytüençä, bombalarnıñ berse Äl-Şurta digän toraq bistägä kilep töşkän, qorbannar arasında xatın-qızlar, balalar bar.
Kiçä başqala Bagdadta da qatşı bäreleşlär bardı. Ğisyançılar minomet belän raketalar qullandı, amerikannar boralaqtan ut açtı. Kimendä 37 keşe ülgän dielä, şularnıñ kübese boralaq utınnan. Amerikannarnıñ eştän çıqqan Bradley isemle xärbi maşinası yanına, küräseñ talarğa dip ğiraqlılar cıyılğan bulğan, şul çaqta ber boralaq kilep çığıp ut açqan. Qorbannar arasında ğäräp telendä tapşıruçı Äl-Arabiä televideniese xäbärçese Mazin Tomaizi da bar. Şuşı xällärne üz küze belän kürgän, yaralanıp xastaxänägä kiterelgän Reuters operatorı Säif Fuat bolarnı söyläde:
Audio (Säif Fuat)
"Min bik tübän oçıp kilgän boralaqnı kürdem. Mazin keşelärne çitkäräk etep, Bradley maşinasın töşerergä tırışa ide. Boralaq kötmägändä ata başladı. Mazin minem qulıma kilep töşte."
Bagdadtan könyaqqa taba, Hilla qalası yanında 3 polyak xärbie ülgän, tağın öçese yaralanğan. İñ qatı bäreleşlär kiçä Süriä çigendäge Tal-Afar qalasında bulğan, 51 keşe hälaq bulğan dielä. Amerikan xärbiläre, alarnı Süriädän Ğiraqqa kilüçe çit il suğışçıları dip belderä, ämmä qorbannar sanı şulay zur buluın berniçek tä añlatmıy.
Şuşı bäreleşlär häm il buylap iminsezlek, ğinwar ayına bilgelängän saylawlar yazmışın yänä soraw astına quydı. Ğiraqnıñ tışqı eşlär ministrı Höşiär Zebari kiçä Kahirädä, küp närsä iminlekkä bäyle, saylawlarnıñ kiçekterelüe dä ixtimal digän fiker ıçqındırdı. Ämmä ilneñ waqıtlı premier-ministrı Ayad Allawi, monıñ işe süzlärne şunduq kire qaqtı. Düşämbedä Britaniäneñ Guardian, Times basmalarında dönya kürgän äñgämädä ul, ğiraqlılarnıñ ber öleşe iminsezlek aкqasında tawış birüdä qatnaşmasa da, saylawlar bareber ütäçäk dip belderde.
-Ali Gilmi
Kiçä başqala Bagdadta da qatşı bäreleşlär bardı. Ğisyançılar minomet belän raketalar qullandı, amerikannar boralaqtan ut açtı. Kimendä 37 keşe ülgän dielä, şularnıñ kübese boralaq utınnan. Amerikannarnıñ eştän çıqqan Bradley isemle xärbi maşinası yanına, küräseñ talarğa dip ğiraqlılar cıyılğan bulğan, şul çaqta ber boralaq kilep çığıp ut açqan. Qorbannar arasında ğäräp telendä tapşıruçı Äl-Arabiä televideniese xäbärçese Mazin Tomaizi da bar. Şuşı xällärne üz küze belän kürgän, yaralanıp xastaxänägä kiterelgän Reuters operatorı Säif Fuat bolarnı söyläde:
Audio (Säif Fuat)
"Min bik tübän oçıp kilgän boralaqnı kürdem. Mazin keşelärne çitkäräk etep, Bradley maşinasın töşerergä tırışa ide. Boralaq kötmägändä ata başladı. Mazin minem qulıma kilep töşte."
Bagdadtan könyaqqa taba, Hilla qalası yanında 3 polyak xärbie ülgän, tağın öçese yaralanğan. İñ qatı bäreleşlär kiçä Süriä çigendäge Tal-Afar qalasında bulğan, 51 keşe hälaq bulğan dielä. Amerikan xärbiläre, alarnı Süriädän Ğiraqqa kilüçe çit il suğışçıları dip belderä, ämmä qorbannar sanı şulay zur buluın berniçek tä añlatmıy.
Şuşı bäreleşlär häm il buylap iminsezlek, ğinwar ayına bilgelängän saylawlar yazmışın yänä soraw astına quydı. Ğiraqnıñ tışqı eşlär ministrı Höşiär Zebari kiçä Kahirädä, küp närsä iminlekkä bäyle, saylawlarnıñ kiçekterelüe dä ixtimal digän fiker ıçqındırdı. Ämmä ilneñ waqıtlı premier-ministrı Ayad Allawi, monıñ işe süzlärne şunduq kire qaqtı. Düşämbedä Britaniäneñ Guardian, Times basmalarında dönya kürgän äñgämädä ul, ğiraqlılarnıñ ber öleşe iminsezlek aкqasında tawış birüdä qatnaşmasa da, saylawlar bareber ütäçäk dip belderde.
-Ali Gilmi