Äfğänstannıñ Herat wilayätendä gubernatornıñ xakimiättän töşerelgäç atna axırında bulğan qanlı bäreleşlärdän soñ andağı xalıqara yardäm xezmätkärläre töbäktän kitä başladı.
BMO wäkile äytüençä, BMOnıñ Herattağı çit ildän kilgän 51 xezmätkäreneñ ber öleşe Heratta Qabulğa küçerelä. Tağın 50-läp başqa çit il yardäm xezmätkäre şulay uq Qabulğa kitä.
Yäkşämbe könne Heratta xakimiättän töşerelgän gubernator İsmail Xan tarafdarları yardäm oyışmaları binalarına höcüm itte, Äfğän häm AQŞ köçläre belän suğıştı.
Kimendä 7 keşe ülde, häm 20 keşe yaralandı dielä.
Bügen Hiratta tınıçlıq urnaştı dip xäbär itelä.
