Accessibility links

Кайнар хәбәр

AQŞ häm Yewropa Rusiä prezidentı Putinnıñ üzäk xakimiätne nığıtuına borçılu belderä


AQŞ däwlät sekretare urınbasarı Richard Armitage Vladimir Putinnıñ terrorğa qarşı köräşü öçen üzäk xakimiätne nığıtu täqdimenä borçılu belderde. Bügen Rigada Latviä räsmiläre belän oçraşu waqıtında Armitage Putin töbäk başlıqlarınıñ xalıq tarafınnan saylanuın tügel ä üzäktän bilgeläp quyıluın teli kebek häm bu AQŞnıñ Rusiädä demokratiä artır digän ömetlärenä turı kilmi dide. Brüssel'dä Yewropa Berlegeneñ tışqı mäs'älälär öçen çawaplı wäkilene Chris Patten süzçese Emma Udwin da şundıyraq belderü belän çıqtı. Şul uq waqıtta ul bu Rusiäneñ eçke eşe dide. Udwin Putinnı başqarma xakimiät sistemasın üzgärtkändä demokratiäne häm keşe xoquqların xörmät itärgä çaqırdı.

AUDİO: Zamana zolımı terrorçılıqqa qarşı qarşı köräşkändä härkem ber ük waqıtta demokratiä häm keşe xoquqlarına da tieşle xörmät kürsätergä tieş. Häm bez prezident Putin üzgäreşlär kertkändä monı da küz aldında totar dip ışanabız.

Kiçä Putin küptän tügel bulğan terror ğämällärenä cawap bularaq barlıq töbäklärdä citäkçelärneñ Mäskäwdän bilgelänäçägen belderde.
XS
SM
MD
LG