Accessibility links

сишәмбе, 6 декабрь 2016, Казан вакыты 13:15

2004 yılda Tatarstanda tağın 505 keşe AİDS çiren eläktergän


2004 yılnıñ 8 ayında İmmunodifitsit virusın yörtüçe 505 keşe terkälgän. 2003 yılda 919 keşedä awıru tabılğan bulğan. Ä 1997 yıldan alıp bügengäçä alıp sanağanda, Tatarstanda şuşı däwalap bulmıy torğan awıru belän çirläwçelär sanı 6 910 keşe täşkil itä. SPİDka qarşı köräş üzäge tabibı Wälieva Elida äytkänçä, çınbarlıqtağı xälne beler öçen räsmi sannı 10-ga tapqırlarğa kiräk. Aldağı yıllarda AİDS awırunıñ kisken artuı narkomannar sanı zurayuı belän bäyle bulsa, xäzerge waqıtta, belgeçlär, virusnıñ taraluın kübesençä censi azğınlıq belän bäylilär. Censi yul belän çir eläkterüçelär sanın, kimetep bulmasa da, ber urında totar öçen, SPİDka qarşı köräş üzäge dönya täcribäsen qullana. Mäsälän, faxişälärgä häm narkomannarğa rezin äyberlär belän qullanılmağan inlärne taratıla. Ämma, İmmunodifitsit virusın yalğışlıq belän eläkterü qurqınıçı da bar. Mäsälän, narkomannar taşlap qaldırğan enälärgä qadalıp. SPİDka qarşı köräş üzäge tabibı Wälieva Elida, andıy oçraqlar bula qalsa, 3 kön öçendä tabiplarğa möräcäğät itärgä kiñäş itä. Çönki, berençe 3 kön uzğannan soñ, däwalawnıñ faydası bulmıy.

Üzlärendä çir buluında şiklängän keşelär, anonim räweştä, buşlay analiz da yasıy ala. Anıñ öçen SPİDka qarşı üzägenä möräcäğät itärgä kiräk. Ul Qazannıñ Vişnevskiy uramında urnaşqan. Andıy üzäklär Respublikanıñ başqa zur şähärlärendä dä bar. AİDS awıru belän çirläwçelär sälämät keşelär arasında yäşi. Alarğa tormışların däwam itärgä qaydan köç tabırğa, sälämät keşelärgä üzlären niçek totarğa? Rusiädä, Yevropa illärendä bu ölkädä xällär niçegräk? Bu xaqta «Azatlıq»nıñ yäkşämbe utırmasında söyläşerbez.



Bikä Timerova.

XS
SM
MD
LG