Accessibility links

шимбә, 3 декабрь 2016, Казан вакыты 03:35

Ğiraqta başları kiselgän 3 mäyet tabıldı, tağın 12 keşe üterelde


Ğiraq politsiäse Bağdadnıñ tönyağında yul buyında başları kiselgän 3 mäyet taptı, yaña bäreleşlär häm şartlawlar näticäsendä bügen 12 keşe hälak buldı. Politsiädäge çığanaqlar äytüençä, bu 3 mäyet çit il keşeläreneke dip isäplänelä. Ğiraqtağı suğışçan törkemnär küp sanda çit il keşelären totıq itep aldı häm alarnıñ berniçäsen üterde. İke Fransuz jurnalistı häm İtaliäneñ 2 yardäm xezmätkäre äle haman totıq aluçılar qulında. Bügen Bağdadnıñ könyağındağı tikşerü qapqası yanında maşinağa quyılğan bomba şartlatılu näticäsendä 2 keşe hälak buldı. Ramadi şähärendä ğisyançılar belän AQŞ köçläre arasındağı atışlarda tağın 10 keşe üterelde. AQŞ däwlät sekretare urınbasarı Richard Armitage Ğiraqta ğinwar ayına bilgelängän saylawlar yaqınlaşqanda köç qullanu artırğa mömkin dide.

AUDİO: Bez Ğiraqtağı berektäşlärebez belän bergä ğisyançılarğa qarşı köräştä tärräqiät buluın sizäbez. Bez berqayçan da bu ciñel bulır dip uylamadıq. Ğiraqta ğinwar ayındağı saylawlar yaqınlaşqanda bez köç qullanu artır dip kötäbez, çönki ğisyançılar saylawlardan qurqa.

Waşingtonda AQŞ adminsitratsiäse 3 milliard 460 million dollarnı Ğiraqnı tözekländerü proyektlarınnan alıp iminlekne arttıru fondın nığıtırğa teläwen iğlan itte.

XS
SM
MD
LG