Accessibility links

җомга, 9 декабрь 2016, Казан вакыты 10:44

Latin grafikasın torğızu turındağı qanunnı qabul itügä 5 yıl tuldı


Soñğı waqıtta, Tatarstan xökümäte Tatarstan deputatların täqdim itkän yaña sotsial qanunnı tikşerü bara. Anda az keremle ğailälärgä däwlättän kürsätelä torğan yärdäm xaqında süz bara. Bu eşne başlap yörüçelär, älege sotsial tüläwlärne inde kiläse yılnıñ byudjetına kertergä teli. Toraq-komunal xucalıq ministrlılığınıñ moña ışanıçı zur. Marat Xösnullin beldergänçä, kiläse yılnıñ töp finans dokumentına az kremle ğailälärgä kommunal xaqlarnı qaplar öçen 1 milliard sum bülep birergä planlaştırılğan. Bu xaqta İntertat.ru xäbär itä. Ä menä Tatarstan tellären üsterü turındağı 10 yıllıq programma andıy aqçalarğa ömet itä almıy. 16 sentäberdä, mäğlümat agentlıqları, programma tormışqa aşırıla başlıy, digän xäbär tarattı. Ämma, Däwlät Şurasınıñ fän, mäğärif häm milli mäs’älälär komitetı başlığı Razil Wäliev äytüençä, tellärne üsterergä, dip bülep birelä torğan yıl sayın 12 million sum, bik äz. Başta programmanı eşläwçelär 10 yılğa 160 million sorasa, soñınnan finans ministrlığı anı 140qa qaldırğan, ä soñğı Däwlät Şurası utırışında ul san 122 millionğa ğına qalğan. Ber yaqtan däwlät programması qabul itelsä, ikençe yaqtan latin grafikası mäs’äläse onıtılıp bara. «Tatar-inform» agentlığı xäbärçese, latin grafikası turındağı qanunnı qabul itügä 5 tula dip iskä töşerde. Ämma bu agentlıqnıñ, xalıqara yazuçılar klubınıñ protest yözennän yasağan möräcäğätennän tış, xäbär itärlek yañalığı yuq. Norvegiädä yazuçılar klublarnıñ 70nçe kongressı bulğan ikän. Anda qatnaşqan yazuçılar, Rusiä Konstitutsiä mäxkämäsenä möräcäğät itep, latinnı tıyuğa qarata protest beldergän. Bu möräcäğätneñ yazmışı niçek bulır, bilgesez. Tatarstan xakimiätläre dä ul mäxkämäğä yazıp qarağan ide, ämma möräcäğätlär älegäçä cawapsız bulıp qala.



Bikä Timerova.

XS
SM
MD
LG