Accessibility links

Кайнар хәбәр

Basayev Beslan mäktäbendä totıqlar alunı bez oyıştırdıq digän belderü tarattı


Çeçen separatist suğışçısı Şamil Basayev Beslan şähäre mäktäbendä totıqlar alu waqıyğası öçen cawaplılıqnı aldı dip xäbär itelä. Kavkazcenter.com säxifäsenä elengän belderüdä Belsan mäktäbendä totıqlar alunı häm Rusiädä küptän tügel bulğan terror höcümnäreneñ Basayev citäkçelegendäge ğisyançılar tarafınnan başqarıluı turında äytelä. Bu belderüneñ çınnan da Basayevnıqı buluın başqa çığanaqlar aşa tikşerü älegä mömkin tügel. Rusiädäge küp kenä kiñküläm mäğlümät çaralarına da taratılğan bu belderüdä avgust axırında 2 oçqıçnı şartlatu häm Mäskäw metrosında bulğan şartlaw da bezneñ eş dielä. Bügen AQŞ Däwlät Sekretare Richard Armitage Basayev Beslanda totıqlar alu öçen cawaplılıqnı üz östenä aluı belän keşeleksez buluın kürsätte dide. Kavkazcenter.com säxifäse Litvadağı provayderda urnaşqan. Bügen Litva premyer-ministrı Algirdas Brazauskas Saqlanu Şurası utırışınnan soñ bu säxifäneñ Litvadağı eşçänlegen tuqtatu öçen tieşle çara küreläçäk dide. Ul Litva qanunnarı terror propagandasın häm millätara näfrät uyatunı tıya dide.
XS
SM
MD
LG