Accessibility links

якшәмбе, 11 декабрь 2016, Казан вакыты 16:52

Boris Nemtsov Rusiädä üzäk xakimiätne nığıtu täqdimen tänqitli


Rusiädäge uñ köçlärneñ mäğlüm citäkçese Boris Nemtsov prezident Putinnıñ küptän tügel bulğan terror höcümnärennän soñ üzäk xakimiätne nığıtu plannarın tänqitläp çıqtı. Nemtsov Putin terror höcümnären üz xakimiäten köçäytü öçen faydalana dide. Elekke Sovetlar Berlege prezidentı Mixail Gorbaçev ta Putin täqdimnären tänqitläp çıqtı. Ul küptän tügel bulğan terror höcümnäre Rusiäneñ Çeçnädä alıp barğan xärbi operatsiäse belän bäyle dip isäpläwen belderde. Rusiäneñ berençe prezidentı Boris Yeltsin täqdim itelgän üzgäreşlär 1993-nçe yılğı konstitutsiä nigezendäge demokratik reformalar qısalarında qalır dip ışanuın belderde. Uzğan düşämbedä Putin kiläçäktä töbäk başlıqların häm bäysez deputatlarnı saylaw bulmıyaçağın iğlan itte.

XS
SM
MD
LG