Rusiäneñ iminlek räsmiläre bügen Mäskäwdä terror höcüme buldırmıy qaluları turında belderä. FSB xezmäteneñ matbuğat wäkile Sergei İgnatçenko, comğa kiç milisiä tuqtatqan maşinada şartlatqıçlar tabıldı, dip xäbär itte. Yörtüçegä – maşinanı Kutuzov prospektına iltep quyu öçen ber meñ dollar aqça wağdä itelgän bulğan. Mäğlüm bulğança bu uramda xökümät wäkilläre yäşi. Rusiäneñ xäbär agentlıqları, bu keşe soñıraq xastaxanädä yöräk öyänägennän ülgän dip belderde.
