Amerikan xärbiläreneñ Fallucağa bulğan xöcüme waqıtında bügen 4 Ğiraqlı hälaq buldı. Monnan tış, ilneñ törle urınnarında bulğan şartlawlar näticäsenä tağın 23 keşe ülgän. Tönyaqtağı Kirkukta maşinağa quyılğan bomba şartlaw näticäsendä, Milli gvardiägä eşkä kerergä dip kilgän 20keşe ülgän. Bagdad yanındağı ikençe şartlawda ber Ğiraqlı, 2 Amerikan xärbie ülgän. Ul arada Äl-Cäzirä televideniese, 30 lap keşene totıq itep alğan ğisyançılar töşergän video-tasma kürsätte. Alar Amerikan-törek şirkätlären Ğiraqtan kiterä, xatın-qız totqınnarın irekkä çığarırğa taläp itä, yuq isä totıqlarnı üterü belän yanıy.
