Accessibility links

шимбә, 10 декабрь 2016, Казан вакыты 04:01

Respublika yullarında tağın keşelär häläk buldı


Respublikanıñ Eçke eşlär ministrlığı wäkilläre mäğlümätlärenä qarağanda, düşämbe könne Mäskäw-Ufa yulında, Tatarstannıñ Piträç rayonında ike keşeneñ ğömeren özgän yul faciğäse bulğan. 26 yäşlek Germaniä keşese Mersedes avtomaşinasında beryulı ike maşinağa – VAZ-2106 häm VAZ-2107 avtomobillärenä bärelgän. Mersedes qapma-qarşı kilep bärelgän cidele Vaz maşinasınıñ 29 yäşlek yörtüçese häm anıñ yanında utırğan 28 yäşlek xatın-qız şunda uq häläk bulğan. Tağın ike keşe, şul isäptän Mersedes yörtüçese dä, xastäxanägä ozatılğan. Respublikanıñ Yäşel Üzän rayonında da keşe ğömerlären özgän qaza bulğan. Zaporojets häm GAZ maşinaları bärelep, 3 keşe häläk bulğan. Ğomumän, sentäber ayında ğına Tatarstanda 416 yul häläkäte terkälgän. Alarda 58 keşe wafat bulıp, 474 keşe törle däräcädäge yaralar alğan. Şulay itep, respublika yullarında ülüçelärneñ sanı könnän-kön arta bara.

Gölnaz İlgizär

XS
SM
MD
LG