Accessibility links

дүшәмбе, 5 декабрь 2016, Казан вакыты 21:40

BTİÜneñ räise itep yañadan Räşit Yağfarov saylandı


Şimbä könne 18 uktäberdä BTİÜ Plenumınıñ çirattağı utırışı uzdı.BTİÜ Plenumı Karl Marks uramında uzarğa tieş ide.Läkin keşe küp cıyılu säbäple anı Qazan milli mädäni üzägendä uzdırırğa buldılar. Plenum tınıç qına başlanıp kitä almadı. BTİÜräise Räşit Yağfarov tribunağa menü belän, Yunıs Kamaletdinov xalıq aldında mikrofon aşa Plenum utırışın Zäki Zäynullin alıp barsın digän täqdim yasadı.Häm şunda uq Zäki Zäynullin tribunağa menep Räşit Yağfarovtan mikrofonnı tartıp aldı. Milli xäräkät aktivistları känäğätsezlek belderep şawlaşa başladı.Şul waqıtta Räşit Yagfarov cıyılğan xalıqqa belderü yasap ölgerde. Plenum äğzalarına, çaqırılğan qunaqlarğa TİÜneñ Karl Marks uramında urnaşqan töp binasına barıp Plenumnı şunda uzdırırğa täqdim itte.Şunnan soñ Çallı bülegendä eşlägän ämma Plenum äğzası bulmağan Damir Şixraziev cıyılğannarğa, bu Yunıs Kamaletdinovnıñ täqdime biş töbäk isemennän yäğni, Aznaqay, Çallı, Çistay, Zelenodol, Qazan bülege täqdime dip añlatmaqçı buldı. Cıyınğa kilgän keşelär ikegä bülende. Küpçelek zaldan çığıp kitte häm TİÜneñ biş regionnan başqa wäkillär çirattağı utırışın uzdırırğa buldı. BTİÜneñ Prezidium, häm Plenum äğzaları barlığı 40 keşe. Şularnıñ 22 sе üzläre qatnaştı. Ä 7әгъза üzläreneñ Plenum qararı belän kileşäbez digän rizalığın aldan telegrammalar, xatlar belän cibärgännär. Barısı 29 tawış. Plenum çirattağı utırışın uzdırırğa xoquqlımı digän soraw tawışqa quyıldı. Plenum äğzaları mandatların kütärep bu täqdimne bertawıştan qabul ittelär.Utırışnı mullanıñ doğa uquınnan başlap cibärdelär. Plenum utırışında Räşit Yağfarovnı räis itep yañadan saylap quydılar. Ämma Räşit Yağfarov waqıtlıça, üzenä yöklätelgän wäqälätlärne ütärgä Plenumda TİÜräiseneñ berençe urınbasarı itep saylanğan Räyef İbrahimovqa tapşırırğa täqdim itte. Plenum utırışınıñ kön tärtibendäge tağın ike mäs'älä qaraldı. Anıñ berse TİÜaldında torğan burıçlar bulsa, 2 nçe mäs'älä oktäber ayında “Xäter köne”n uzdıru ide. Ğalimnär fän buyınça Qazan xanlığınıñ cimerelü köne yaña stil' buyınça 12октябрьгә turı kilä dip dälilläsälär dä, matäm könen uzdırunı bıyıl da 15 uкtäbrgä täğäyenlädelär.Qazan milli mädäni üzägendä qalğan Zäki Zäynullin, Färit Xäbibullin, Çallıdan Damir Şixraziev nindi utırış ütkärüe turında mäğlümat bilgele bulğaç sezgä xäbär itärbez. Räşit Yağfarov häm Räyef İbrahimov citäklägän BTİÜneñ Plenumı rezolyutsiä qabul itte. Anda mondıy süzlär bar.: “Soñğı yıllarda Rossiädä demokratik qazanışlardan çigenü bara. Törle millätlärneñ , möselmannarnıñ sotsial' xoquqları häm bigräk tä dini xisläre qıyırsıtıla. Kavkazda kolonial' suğış alıp barıla. Rossiä Prezidentınıñ xakimiätnı üzgärtep qoru buyınça alıp barğan säyäsäte, ildäge Konstitutsiägä, yäki qanunnarğa däwlättä tüntäreleş yasaw bulıp tora, grajdannarnıñ sotsial' , häm iqtisad xoquqın kimetä.İğlan itelgän Milli eşlär buyınça ministrlıqnı buldırmaw, anıñ urınına Regionnar buyınça ministrlıq buldıru, ildä milli säyäsät buyınça bernindi dä eşlär alıp barılmayaçağın dälilli. Şunıñ säbäple BTİÜ xalıqnıñ demokratik qazanışlarına häm Rossiäneñ federativ tözeleşenä qarşı alıp barılğan höcumgä protest belderä. Häm barlıq xalıqnı demokratiä öçen köräşkä berläşergä çaqıra. ” –dip yazılğan BTİÜ Plenumı qabul itkän rezolyutsiädä. Azatlıq radiosı Mälikä Basıyr , Qazan.

XS
SM
MD
LG