Accessibility links

сишәмбе, 6 декабрь 2016, Казан вакыты 23:06

Ulyan ölkäse gubernatorı Vladimir Şamanov Yuri Budanovnı törmädän çığaru qararın xupladı


18 yäşlek çeçen qızı Elza Kungayevanı ütergän polkovnik Yuri Budanovnıñ advokatı Pavel Astaxov süzlärenä qarağanda, Budanovqa yarlıqaw belderüne Ulyanovski ölkäse gubernatorı Vladimir Şamanov xuplap çıqqan. Bu xaqta İnterfax xäbär itä. Mäğlüm bulğança Budanov Ulyanovski ölkäsendä törmädä utıra. Elekke general Şamanov suğış waqıtında Çeçnyada xezmät itte. Çeçnyanıñ premyer-ministr urınbasarı häm respublikanıñ Mäskäwdäge wäkilçelegeneñ citäkçese Ziyad Sabsabi, Rusiä prezidentı Vladimir Putinğa, Budanovqa yarlıqaw beldermäskä çaqırıp märäcäğöt itte. "Exo Moskvı" radiosına ul, Budanovnıñ irekkä çığarıluı – cirle xökümät öçen "citdi ähläqi problemağa" äylänäçäk, çeçennar Rusiä törmälärendäge çeçen suğışçıların irekkä çığarunı taläp itäçäk, dide.

XS
SM
MD
LG