Äfğanstannıñ Kunduz provinsiäsendä ilneñ vise-prezidentı Nematu-alla Şahrani, üzenä bulğan höcümnän isän qaldı. Vise-prezident provinsiädä maşinada kilgändä yul buyında bomba şartlağan bulğan. Cirle polisiä başlığı Mutaleb Beg süzlärenä qarağanda, bombanı çittän idarä itep şartlatqannar. Bügen könyaq-könçığıştağı Paktika provinsiäsendä bulğan bäreleşlärdä ike amerikan xärbie hälak bulğan, şulay uq ike amerikan häm 6 äfğan xärbie yaralanğan. Zabul provinsiäseneñ iminlek başlığı Jailani Khan, Taliban suğışçıları 3 äfğan xärbieneñ başların kiste, dip xäbär itte.