Accessibility links

дүшәмбе, 5 декабрь 2016, Казан вакыты 03:35

Kerry Ğıraq mäsäläsendä Buşnı qatı tänqitläde. Buş monı cawapsız qaldırmadı


AQŞ prezidentlığına kandidat John Kerry prezident Buşnıñ Ğıraq häm terrorrğa qarşı suğış säyäsäten tnqitlävne köçäytte. Ul Düşämbedä prezidentnı zur xata eşlävdä şäyepläde häm monıñ näticäsendä Ğıraq terrorçılar cännätenä äylände häm AQŞqa qurqınıç üste dip belderde. Kerrynıñ fikerençä, Buş yañadan saylanğan xäldä AQŞ azağı kürenmägän suğışqa keräçäk. Üz nävbätendä Buş Kerryne Ğıraqqa qarata elekke pozitsiäsenä qapma-qarşı bulğan yl saylauda ğäyepläde.

Kerryneñ soñğı belderüe moñarça saylaualdı kampaniäsendä prezident Buşqa yasağan iñ qatı höcüme bulıp tora. Demokrat senator Nyu York universitetında yasağan çığışında , Buşnıñ Ğıraqqa höcüm qararı terorçılarğa basımnı yomışarttı ğına dip belderde.

Audio

"Prezident Ğıraq terrorğa qarşı suğışnıñ üzägendä tora dip däğvä itä. Çınbarlıqta Ğıraq bezneñ iñ zur döşmanıbız Osama Bin Ladenğa qarşı suğıştan taypıluğa kiterde. "

Ul şulay uq Buş adminstratsiäseneñ Ğıraq suğışı säyäsäte Washingtonnıñ traditsion berektäşläreneñ çitläşüenä häm amerika döşmannarınıñ berläşüneä kiterüe säbäple, AQŞ iminlegen zäğiflätte dip tä äytte. Qorbannar sanı arta barğanda, Ğıraqta vatandaşlar suğışı çığu qurqınıçı bulğanda häm Ğıraqta ğinvar ayında saylaular ütkärü mömkinlege sorau bilgese astında torğanda, Kerry Ğıraq mäsäläsen Buş prezidentlığına töp sınau teması itärgä tırışa.

Audio

"Ğıraq intervensiäse tarixi külämdä krizis xasıyl itte häm kurs üzgärtelmägän xäldä suğışnı tuqtatu mömkinlege kürenmi."

Buş kampaniäse isä Kerryne töp mäsälälärdä üz pozitsiäsen üzgärtep toruda ğäyepli. Buş Kerryneñ ğäyeplävlärneä New Hampshire ştatında Düşämbedä yasağan çığışında cavap birde.

Audio

"Minem opponentım bügen cilneñ qaydan isüenä qarap, Ğıraqqa qarata üzeneñ pozitsiäsen üzgärtte. Ul bügen irtän uyanıp Ğıraqqa intervensiä yasamasqa tieş idek digän qararğa kilde. Ä inde ber ay elek kenä köç qullanunı yaqlayaçağın beldergän ide."

Buş şulay uq Kerryneñ Saddam Xösäin xakimiättä bulğanda AQŞ İmineräk ide digän näticägä niçek kilgän buluın alap citä almauın da äytte. Sintäberneñ 30-nda, Üktäberneñ 8-ndä häm 13-ndä Buş belän Kerry arasında televideniädä debatlar bulaçaq.

Färit İdelle, Praga.
XS
SM
MD
LG