İran prezidentı Mohammäd Khatami, Xalıqara atom agentlığı taläplärenä qaramastan, İran üzeneñ atom programmasın däwam itäçäk, dip belderde: (audio) "Bez sayladıq. Xäzer başqalarnıñ saylaw çiratı citte. Alar bezneñ atom ölkäsen tärräqi itergä xoquqıbız bulğannı añlarğa tieş häm xezmättäşlek itergä tieş," dide Khatami. Bügen İran ballistik raketaların täqdim itü çarasın uzdırdı, uran mäğdänen gazğa äyländerä başlawı turında belderde. – bu isä uran bayıtu programmasınıñ ber adımı bulıp tora. Bayıtılğan urannı atom reaktorları yağulığı bularaq, ämma şul uq waqıtta atom qoral öçen dä qullanıp bula. Şimbä könne Xalıqara Atom Energiäse Agentlığı İrannı bu programmasın tuqtatırğa sorap rezolüsiä qabul itkän ide. Mohammad Khatami bügen İran atom qoralı citeştermi, dip tağın ber tapqır qabatladı.
