Accessibility links

җомга, 9 декабрь 2016, Казан вакыты 20:36

Ğiraqtağı ber amerikan häm ber britan totığınıñ yazmışı bilgesez qala


10 xezmätkäre totıq itep alınğannan soñ Ğiraqtağı Törkiä tözeleş şirkäte üz eşen tuqtatuı turında belderde. Töreklärne urlağan suğışçılar bu şirkätneñ ildän kitüen taläp itä. Ul arada amerikan häm britan watandaşların totıq itep alğan suğışçılar yaña taläplär quydı. Şuşı uq törkem kiçä amerikan totığınıñ başın kiste. Suğışçılarnıñ taläbe – Abu Ğraib häm Umm Qasr törmälärennän Ğiraq xatın-qız totqınnarın azat itü ide. Quşma Ştatları, Saddam Hösäin xökümätendä eşlägän ike genä xatın-qız bar ide, dip belderä. Amerikan xärbi oçqıçları bügen Bağdadtnıñ Sadr bistäsen utqa tottı. Çaranıñ maqsatı – yulı buyındağı bomba häm minalarnı yuq itü ide, yaralanuçılar yuq, dip xäbär itelä. Bağdad hawa alanına alıp barğan yulda bügen bomba şartladı. Ber ğiraqlı hälak buldı, tağın berniçä keşe yaralandı, dip xäbär itelä.

XS
SM
MD
LG