Qırğızstan citäkçelege belän oçraşır öçen bügen Bişkäkkä Qıtay premyer-ministrı Wen Jiabao kilä. Qırğızstan xökümät başlığı Nikolai Tanayev belän oçraşuda süz 2014 yılğa qadär säwdä häm iqtisadi xezmättäşlek turında programma turında barır dip kötelä. Şulay uq Qıtaydan Qırğızstan aşa Üzbäkstanğa timer yulı salu turında da fiker alışu bulaçaq. Çärşämbe könne Qıtay premyer-ministrı Qırğız prezidentı Askar Akayev belän oçraşa. Häm pänceşämbe könne ul Şanxay Xezmättäşlek Oyışması utırışına qatnaşaçaq. 1996nçı yılda terror häm islam ekstremismına qarşı berlektä köräşer öçen cıyılğan Şanxay oyışmasına – Rusiä,Qıtay, Qazaxstan, Taciqstan, Qırğızstan häm Üzbäkstan kergän. Qırğızstannan Qıtay premyer-ministrı säfären Rusiägä däwam itäçäk.
