Accessibility links

якшәмбе, 4 декабрь 2016, Казан вакыты 15:28

Grozny Yuri Budanovqa yarlıqaw birügä qarşı


Çeçen qızın üterü öçen törmädä utırğan polkovnik Yuri Budanovqa yarlıqaw birü ixtimalına protest belderep bügen Çeçnya başqalası uramnarına meñgä yaqın keşe çıqtı. Uram cıyınında qatnaşuçılar prezident Putinğa, Budanovnı irekkä çığarmawnı sorap möräcäğät itte. Alarnıñ berse Çeçnya premyer-ministrı urınbasarı Ramzan Kadırovnıñ Putinğa xatın uqıp birde. (audio) "Ulyanovski ölkäse räsmiläre xäl itmi bu oçraqta. Prezident Putinnıñ qararı – ğadel häm bitaraf bulır dip ışanam" dielä möräcäğättä. İnde kiçä xäbär itkänebezçä Ulyan ölkäse gubernatorı Vladimir Şamanov komissiäneñ Budanovqa yarlıqaw belderü turıdağı täqdimen xuplap çıqtı. Şamanov häm Budanov Çeçnyada bergä xezmät itkännär häm xäzer Budanov 18 yäşlek Elza Kungaevanı ütergäne öçen Ulyan ölkäsendä törmädä utıra. Budanov eşen dönya küzätep bara. Bu oçraq, Rusiäneñ Çeçnyada keşe xoquqları bozıluı häm xärbilärneñ xalıqnı ezärlekläwenä nindi çaralar kürä aluın kürsätäçäk, dip bäyälänä.

XS
SM
MD
LG