Accessibility links

пәнҗешәмбе, 8 декабрь 2016, Казан вакыты 01:27

Gruziä prezidentı BMO mönbärennän separatist töbäklär mäsäläsen tınıç yul belän xäl itergä wäğdä itte


21-nçe Sintäberdä BMOnıñ Ğomumi Assambleyeneñ 59-nçe yllıq ciılışı açıldı. Şunda ağza illärneñ citäkçeläre yäisä väkilläre çığış yasıylar. Ciınnıñ berençe könendä çığış yasağan Görcstan prezidentı Saakaşvili , Könyaq Osetia häm Abxaziä belän konfliktnı tınıç yullar belän xäl qılu häm Russiä belän xezmättäşlekneñ yaña yulların tabu öçen tırışıla dip belderde. Ul bu konfliktlar Görcstanğa häm regionğa qurqınıç tudıra dip äytte häm ilneñ berdämlegen häm üzara ışanıç buldıru öçen kürelä torğan çaralar turında söyläde. Saakaşvili şulay uq BMOnıñ Ğıraqtağı xezmätkärlären saqlau eşendä qatnaşırğa väğdä birde.

Görcstan prezidentı Saakaşvili seperatizmnı terror belän çağıştırıp, Abxaziä häm Könyaq Osetiä belän bulğan bäxäsne tınıç yullar belän xäl qılu öçen tırışuın belderde. Anıñ süzlärençä, şuşı ike regionnıñ statutınıñ xäl qılınmağan buluı , andağı qanunsızlıq, teroristlarğa mömkinlek birä ala. Ul şuşı konfliklarnı köç qullanmıyça xäl qılırğa qararlı buluın belderde.

Audio

"Görcstannıñ bu konfliktlarnı tik tınıç yullar belän genä xäl qılırğa teläven azsızıqkıym. Görcstan alarnı xäl qılu öçen köç qulanırğa telämi häm qullana da almıy, çönki ber genö demokratik il dä üz xalqına qarşı suğışqa baralmıy."

Saakaşvili şulay uq Tbilisi şuşı ike berämlekkä kiñ aftonomiä biräçägen dä äytte

Audio

"Andıy aftonomiä , tel häm mädäniätne saqlayaçaq, üzidaräne garantiäliäçäk, üzäk xökümät belän väkalätlärne büleşüen häm anda väkillek itelüne buldıraçaq häm iñ möhime xalıqnıñ yazmışı turında qarar birep kigän izolätsiädäge türälärgä tügel, ä xalıqqa xakimiät birgän aftonomiä bulaçaq."

Konfliktnı xäl qılunıñ açqıçı moña çaqlı ike seperatist regionnı yaqlap kilgän Russiä qulında. Gärçä, Görcstan xökümäte Russiä belän mönäsäbätlären bu yılda yaxşırta töşsä dä, Saakaşvili BMOnda yasağan çığışında, Russiäneñ Abxaziä häm Könyaq Osetiä belän mönäsäbätlärenä häm Görcstanda xärbi bazaların saqlap qaluına borçılu belderde. Läkin, ul ber ük vaqıtta ike ilneñ xezmttäşlek itä aluına ışanuın da äytte. Saakaşvili urtaq anti-terror üzäge buldırunı häm çiktä urtaq patrul yörüne kiñäytüne täqim itte. Görcstan prezidentı BMOnıñ Ğıraqtağı xezmätkärlären saqlauğa öleş kertergä äzer toruın da belderde. Bügenge köndä 159 görçe xärbise Ğıraqta häm kiläse ayda alarnıñ sanı 300-gä citkereläçäk. Läkin, älegä alarnıñ küpmeseneñ BMOsı xezmätkärlären saqlau eşendä qatnaşaçağı bilgesez.

Färit İdelle, Praga.
XS
SM
MD
LG