Accessibility links

җомга, 2 декабрь 2016, Казан вакыты 21:16

İketellelärgä östämä tüläw ğämäldä qala


Uzğan atnada ütkän sessiädä qaralğan qayber mäs’älälär bügen dä äle aktual’ bulıp qala birä. Mäsälän, respublikada çığa torğan ber gäcittä elek ike däwlät telen belüçelär öçen qaralğan 15 protsent külämendä östämä tüläw yaña qabul itelgän Respublika xalıqları tellären saqlaw programmasında bulmayaçaq, digän yazma dönya kürde. Bu yazma östämä tüläwne aluçı uqıtuçılarnı da borçuğa saldı. Çınlap ta, xäzer anı tülämi başlıylarmı ikän dip, bez respublika Ministrlar kabinetınıñ tellär bülegenä möräcäğät ittek. Bülekneñ baş referentı Firaya Şäyxieva Azatlıq radiosı tıñlawçılarına menä närsälär söyläde.

Yaña qabul itelgän programmada çınnan da östämä tüläw süzgä alınmağan. Läkin Tellär turındağı qanunda älege östämä qaralğan. Şuña kürä, qanunnı ütärgä teläwçe citäkçelär ike däwlät telen belüçe häm alarda eş itüçe xezmätkärlärgä 15 protsent külämendä östämä tüli alalar. Ä menä milli mäktäplärdä eşläwçe uqıtuçılarğa, mäğärif xezmätkärlärenä östämä tüläw Tatarstannıñ Tellär turındağı qanunı nigezendä tügel, federal’ qararlar nigezendä tülänep kilde. Şuña kürä, alarğa niçek bu köngä qädär tülänep kilgän, şulay tülänäçäk

Şulay itep, Firaya Şäyxieva süzlärenä qarağanda, Tellär turındağı qanunda ike teldä eş alıp baruçılarğa östämä tüläw qaralğan. Ä menä anı tüläw yäki tülämäw ğädättä citäkçelektän tora. Şunısın da iskärtergä kiräk, älege tüläw rus häm tatar tellären belüçelärgä tügel, ä bu ike teldä eş alıp baruçılarğa tülänä.

Gölnaz İlgizär

XS
SM
MD
LG