Accessibility links

дүшәмбе, 5 декабрь 2016, Казан вакыты 05:34

Bağdadta ike höcümdä 10nnan artıq keşe hälak buldı


Bağdadnıñ könbatışında bügen intixar höcümendä kimendä 11 keşe hälak buldı, 50gä yaqını yaralandı. Şiğilär yulbaşçısı Moqtada as-Sadr'nıñ wäkile bügen Bağdadnıñ Sadr bistäsendä amerikan köçläre belän bulğan bäreleşlärdä 15 keşe hälak buldı, dip belderde. Soñıraq maşinağa quyılğan bomba şartladı. Ğiraqtağı amerikan ilçelege bügen Ğiraq räsmilärennän başı kiselgän mäyetne aluları turında belderde ämma anıñ kem bulğanı turında äytmäde. Täwhid wal Jihad törkeme kiçä tağın ber amerikan totığınıñ başın kiskänen xäbär itte. Bu inde ike kön eçendä cäzalap üterelgän ikençe amerikan keşese buldı. Tawhid wal Jihad törkemeneñ yulbaşçısı Abu Anas al-Şami uzğan atnada Bağdadta amerikan köçläreneñ hawa höcüme waqıtında üterelgän. Al-Şami, Tawhid wal Jihad'nıñ yulbaşçısı sanalğan Abu Musab al-Zarqawi'nıñ yardämçese bulğan dip xäbär itelä. Amerikan xärbi çığanaqlarınnan alğan xäbärlärgä qarağanda bügen 2 ğaskärigä 3 ğiraqlını üterüdä ğayepläw belderelgän. Alarnıñ berse çulay uq yalğan räsmi belderü yasawda ğayeplänä. Ğiraq şiğiläre yulbaşçısı ayatolla as-Sistani'nıñ matbuğat xezmäte – kiçä amerikan köçläreneñ Moqtada as-Sadrnıñ Najaftağı başfatirına kerep tikşerülär ütkärüe häm anıñ yardämçelären qulğa aluı – tınıçlıq kileşüen bozu bulıp tora, dip belderde.

XS
SM
MD
LG