Könçığış Äfğanstanda bäreleşlärdä ber amerikan xärbie hälak buldı. Ğaskärlärneñ matbuğat wäkile mayor Scott Nelson süzlärenä qarağanda amerikan xärbie düşämbe könne Xost provinsiäsendä üterelgän. Bu atnada hälak bulğan amerikan xärbiläreneñ sanı inde 3kä citte. Düşämbe könne 2 amerikan xärbie Paqstan çigendä bulğan bäreleşlärdä ülde. Barlığı bu atnada 14 amerikan ğaskärie yaralanğan. Suğışçılardan – 9 keşe üterelgän dip xäbär itelä. Germaniä xökümäte Äfğanstanda Xalıqara İminlek Tä'min İtergä yardäm itü ğaskärlären kiläse yılnıñ üktäberenä qadär qaldıru turında qarar qabul itte. Xäzerge waqıtta Äfğanstanda 2 meñgä yaqın Germaniä ğaskärie bar. Germaniä parlamentınıñ tübän palatası kiläse atnada bu mäs'älädä tawış birergä tieş.
