Accessibility links

дүшәмбе, 5 декабрь 2016, Казан вакыты 23:49

Törkiä belän Yevropa Komissiäse arasında Berlekkä kerü turında söyläşülär başlar öçen kirtälär qalmadı


Yevropa Berlegeneñ kiñäyü komissionerı Guenter Verheugen Berlek häm Törkiä arasında qarşılıqlar çişelde, dip belderde. Bügen Brüsseldä Törkiä premyer-ministrı Recep Tayyip Erdoğan belän oçraşqannan soñ, Verhaugen, Yevropa Komissiäse Törkiä mäs'äläsendä xisabın iğlan itkänçegä qadär köntärtibendä torğan problemalar çişelep bette, dip iğlan itte. (audio) "Qalğan problemalarğa bez çişeleş taba aldıq. Minemçä şuşı waqıtta qarşılıqlar yuq. Yevropa Berlege Komissiäseneñ Törkiä turında xisap äzerläwenä qomaçawlağan şartlar qalmadı," dide Verhaugen. Yevropa Berleke komissiäse 6nçe üktäbr könne Törkiäneñ Berlek äğzase bulır öçen söyläşülär başlarğa äzerlek mäs'äläsendä xisap iğlan itäçäk. Törkiä ministrı Mehmet Aydın süzlärenä qarağanda, bu yäkşämbe könne parlament cıyılıp cinäyät kodeksına üzgäreşlär kertü turında söyläşäçäk.

XS
SM
MD
LG