Yevropa Parlamentı, keşe xoquqları öçen köräş alıp barğan ayırım keşelär yä törkemnärgä yıl da birelä torğan Saxarov isemendäge büläkkä namzätlär isemlegen iğlan itte. Şuşı isemlektä dönyada mäğlümat irege öçen köräş alıp barğan Çiklärne tanımağan xäbärçelär oyışması, Belarusta süz iregen yaqlağan Belarus Jurnalistları Assosiasiäse, Belarus yäşlär xäräkäte häm idän astı Zubr çeltäre. Ayırım keşelär arasında isemlektä keşe xoquqları aktivistı elekke Çexoslovakiä häm Çexiäneñ elekke prezidentı Vaclav Havel, Beslanda totıq alu faciğasendä aradaşlıq itkän balalar tabibı Leonid Roşal, häm elekke Sovetlar Berlege häm xäzerge Rusiädäge keşe xoquqları aktivistı Alexander Yessenin-Volpin bar. Sovet dissidentı Andrei Saxarov isemendäge büläkneñ bäyäse – 50 meñ yevro. Büläkne tapşıru tantanası dekaber urtasında bulaçaq.
