Accessibility links

якшәмбе, 4 декабрь 2016, Казан вакыты 09:15

Başqortstanda Aksakov bäyräme başlandı


Comğa könne Başqortstanda XIV Xalıqara Aqsaqov bäyräme başlanıp kitte. Yıl da oyıştırıluçı bu könnärneñ bıyılğısı tağın da qolaçlıraq ütäçäk dip ışandıralar.

Bäyrämneñ täwge köne Ufanıñ Şaqşa bistäsendä başlandı. Näq menä şundağı Qasím awılında Sergey Aqsaqovnıñ babasınıñ yort – cirläre bulğan. Töştän soñ bäyrämdä qatnaşuçılar häm çit töbäklärdän kilgän qunaqlar Aqsaqov mäktäp – gimnazísına kilde häm anda açıq däreslärdäge mädäni çaralarda buldı. Annan soñ Aqsaqov bäyrämendä qatnaşuçılarnı Sergey Aqsaqovnıñ yort – muzeyı xezmätkärläre qarşı aldı. Artaban Puşkin alleyäsendäge Aqsaqov häykälenä çäçkälär salu tantanası ütte. Şunnan soñ iñ zur çara Başqortstan däwlät opera häm balet teaterında oyıştırıldı. Tantanalı kiçägä republíknıñ citäkçe dairäläre dä kilgän ide.

Aqsaqov bäyräme şimbä könne Bäläbäy rayonında däwam itä. Anda qunaqlar Aqsaqov şifaxanäsendä häm Nadejdino awılındağı tarixi – mädäni üzäktä folklor bäyrämendä qatnaşaçaq. Ä yäkşämbe könne bäyrämneñ däwamı Ufa yanındağı Zubowo awılında ütä. Anda Sergey Aqsaqovnıñ babasınıñ bilämälärendä folklor törkemnäre konsertı oyıştırıla.

Fänis Fätxi, Ufa.

XS
SM
MD
LG