Accessibility links

җомга, 9 декабрь 2016, Казан вакыты 04:57

BMO General' Assambleyası utırışında İran, Ğiraq häm Qazaxstan ministrları çığış yasıy


Bügen Berläşkän Millätlär Oyışması General' Assambleyasınıñ 59nçı sessiäsendä çığış yasawçılar arasında İran, Ğiraq häm Qazaxstannıñ yuğarı räsmi wäkilläre bulaçaq. Pänceşämbe könne üz çığışında Rusiäneñ tışqı eşlär ministrı Sergei Lavrov, terrorğa qarşı köräşne näticäleräk alıp barır öçen xalıqara iminlek strukturalarında reformalar uzdırırğa çaqırdı. Dönyada çeçen suğışçılarına qarata ike törle standartlar bulırğa tieş tügel, dide ul. Rusiäneñ, çit ildä säyäsi sıyınu sorap – terror ğamällärenä aqça birep yatqan keşelärne üz illärenä tapşıru turındağı rezolüsiä ölgesen Britaniä tışqı eşlär ministrı Jack Straw xupladı. Törkiä tışqı eşlär ministrı Abdullah Gül Berläşkän Millätlär Oyışması İminlek Şurasında Törkiä öçen 2 yılğa urın soradı. İminlek Şurası äğzase bulır öçen Törkiä dönyada tınıçlıq häm totrıqlılıq buldıru eşenä üz öleşen kertte, dide Gül.

XS
SM
MD
LG