Accessibility links

чәршәмбе, 7 декабрь 2016, Казан вакыты 01:00

Ğiraqnıñ Falluca şähärendä Amerikan köçläre ğısyançılarğa höcüm itte


Amerikan xärbi oçqıçları häm tanklar Fallucağa höcüm itte. Xärbi çığanaqlardan alınğan mäğlümatkä qarağanda çaranıñ maqsatı – Abu Musab al-Zarqawi citäkçelegendäge suğışçılar törkemnären yuq itü ide. Kimendä 21 keşe hälak bulğan. Bağdadtan könbatışqa taba urnaşqan Anbar provinsiäsendä amerikan maxsus köçläreneñ 4 xärbie hälak bulğan. Ğiraqnıñ Milli Ğaskärlärenä yazılır öçen çiratta toruçılarğa bügen Bağdadta ut açıldı, anda kimendä 5 keşe hälak bulğan dip xäbär itelä. Comğa könne Berläşkän Millätlär Oyışması General'' Assambleyasındağı çığışında Ğiraqnıñ waqıtlı premyer-ministrı İyad Allawi, oyışma äğzalären ilne tözekländerergä häm demokratik Ğiraq tözergä yardäm utü eşendä berläşergä çaqırdı. (audio) "Saddam Häsäin rejimınıñ cimerelüenä kitergän üzgäreşlär bezneñ ilebezne häm böten dönyanı iminräk itte häm näticäle xezmättäşlek öçen yaña mömkinleklär birde" dide Ğiraq premyer-ministrı. Bügen amerikan prezidentı George Bush, Ğiraqta köç qullanu däwam itügä qaramastan, Waşington, ilne tözekländerügä aqçanı arttıraçaq, dip belderde.

XS
SM
MD
LG