Accessibility links

якшәмбе, 11 декабрь 2016, Казан вакыты 07:13

Waşington Ğiraqqa saylawlar uzdırırğa yardäm iter öçen xalıqara konferensiä cıyaçaq


New York Times gazetına bügen Amerika Quşma Ştatları däwlät sekratere Colin Powell, Waşington Ğiraqqa saylawlar uzdırırğa yardäm iter öçen kiläse ayda xalıqara konferensiä cıyarğa niätli, dip belderde. Anıñ süzlärenä qarağanda, Ğiraqnıñ waqıtlı premyer-ministrı İyad Allawi, tawış birüne aldan bilgelängänçä ğinwar ayında oyıştıru kiräklegen xuplıy. Cıyında Yevropa Berlege illäre, şulay uq Rusiä, Misır, Törkiä, İran, Süriä, Jordan, Söğüd Ğaräpstan häm Kuwait kebek illär wäkilläre qatnaşır dip kötelä. Times gazetı yazuınça, Yevropa häm Ğaräp illäre wäkilläre bu niätne xuplıy ämma bu çara George Bushnıñ säysi uñışın arttırırğa mömkin dip borçıla. Çara – Quşma Ştatlarda saylawaldı kampaniäseneñ iñ qızğan çorında ütergä tieş bula. George Bush'nıñ köndäşe John Kerry Bushnı Ğiraqqa xalıqara yardäm cälep itä almawda ğayepläp çıqqan ide.

XS
SM
MD
LG